Am letschte samstig isch es so witt gsi: d holländer hän basel ä orangschs chleid azoge. i muess sägä, es stoht unserem schöne städtli no rächt guet. aber zerst emol langsam alles vo vorne...
wie scho erwähnt het letschte samstig holland gege russland gspielt. das spektakel hei mir uns natürlich nid welle lo entgoh. d livia und ich hän uns scho am nomittag in die orangi masse gstürzt. die andere chiquitas hän am morge no ufere andere hochzit tanzt und s lexi het leider gar nid chönne cho, will si d hochzitsgäst het müässä unterhalte=)
uf jedä fall hei mirs denn gschafft uns um die halb 6i bi dr andi z träffe. "achtung, fertig, los" hets denn gheisse und rüebli schalä, mozzarella, grüenä salat, olivä, feta, brot, mais, messer usw sin nur so durch d chuchi gfloge. inere neuä rekordzit hei mir super salät ahnäzauberet. i glaub mir hän eifach so ä
grosse hunger gha:-)
genau so gschnäll wiemer en zuebereitet hän, hei mr dr salat denn au vrschlunge. öbe 2 stund spöter sin mir frisch geschminkt--> natürlich rot-wiss-blau, ind stadt gange.

bepackt mit wodka öpfelsaft (oder wohl eher wodka miteme tröpfli öpfelsaft-sorry leute, aber soooo schlimm isch das jetzt au wider nid gsi, gäll sabi=))hei mir die orangi menschämängi in agriff gnoh. nachdäm mir bi dr kasärnä agstandä sin und nid ihne cho sin, si mr halt zum mässeplatz dr match go luege. nachere gföhrlichä sänfattackä uf mi (corinna,das wird no äs nochspiel ha;-)), hän mir sogar äs chlises plätzli gfundä. äs paar wenigi vo uns hän dr bildschirm sogar gseh, anderi hän immer nur ei eggä gseh,aber immerhin. wär en definitiv nid gseh het, isch d sara gsi. anstatt dr match z luege,het si nämlich lieber s publikum unterhalte...it was so funny. i muess sägä, i ha chum öbis vom match mitbecho=)
mir hän denn no bekanntschaft gmacht miteme schauspieler-ohooooo- und miteme st.galler-->;hopp st. gallääää, ballaballa hallääää:-) (übersetzig für d sara: es heisst eigentlich: hopp st. gallä, ihne mit em ballä)
und plötzlich war sabrina weg! where the fuck is sabrina??? hei mir uns denn natürlich gfrogt...and where is mister x? komisch, komisch:-) aber zum glück isch s sabäli denn wider uftaucht (so guet si no het chönne laufä). man bedenke,dass si praktisch dr ganz wodka ällei trunke het, will en suscht niemerts gärn gha het (ussert ich).danke sabi, wenigstens du hesch so do, wie wenn ich en guet zämmägmixt hätt:-)muchas garzias!
dr match isch leider nid so usgange wie mir erhofft hei, holland het vrlore und isch usgschiedä:-(
noch em match hän mir nid so rächt gwüsst wo ahne z goh und d stimmig isch au nüm so super gsi. also sin mir mol richtig mittleri brugg gloffe. ok, "gloffe" cha mä däm fast nid sägä...mir sin gschliche: 2 meter füre, ahalte, 1 meter zrugg, ahalte, wo sin jetzt die andere?, ah dött ähne, 4 meter führe, ahalte, stohblibe, uf dr stross tanze, uf dr stross singe, 2meter zrugg, mc donalds, 1meter wittelaufe, 10 meter zrugg, links, rächts, föttäli do, föttäli dött... usw... jä mir sin ächt guet vorwärts cho muessi sägä=)
mir hän denn beschlosse, dass mir "1,2,3,4,5,6,7,8...ä huet, e stock, ä minirock" singe und denn sin mr sogar bis zu dr mittlere brugg cho.wooooow!!!
nochhär sin mr no chli dur die freii stross bummlet, in begleitig vomene komischä typ (-->mister x) wo ä huet am bei gha het und e 3-beinige stuehl mitgschleppt het. äs riise gaudi! nachere fuessball-session miteme petfläschli, sin denn die erste heim gange. d sabi und d sara sin no chli länger blibe und hei bizzli uf dr stross ummetanzt, bis denn au si heim sin.
es isch ä lustige obe gsi, miteme leider chli unorganisierte schluss=) hauptsach mir sin alli fit und munter wider heimcho.
und basel het mittlerwiile au wider sis orange kleid müessä ind reinigung bringe. schade, hoffentlich nimmt unseres städtli wider emol das chleidli usem schrank.
und immer dra dänkä:"nöööööken in de göööööken"...oder so ähnlich...
domääääääääää