Sunntig früh am morge (9.30h...fast z früh fürd Modusgängerinne) abr trotzdem si alli fit und munter und voller vorfreud, vorallem d madame geburigschenk =) Über Berg und Tal ischs den witer nach Rhyfälde, abr nid zum Feldschlössli...nei ins Eden! D Frau Gresin hed e schöne Tisch für eus reserviert gha. Den ischs au grad losgange, mir hei eus uf das super Brunch Buffet gstürtzt...Lachs, Birchermüsli, Kuche, Salat, Brot, Frücht, Käse etc... eusi büch sind vollstopft gsi. Drum hei mir dänkt mir göi doch e chli go bade damit mir schön chöne verdaue. Im Wasser hei mr den eusi Aquafit üebige gmacht und sogar no ins chalte bädli si e paar muetigi gange! Nach knapp 2 stund bädele, dusche, frisiere und de alte lüt ufd närve go si mr widr in Ess-Saal gange ums Zmittag Buffet uszkoste! Euse super källner hed eus den au no vor em verdurste grettet gha! Übrigens...den hei au no die letschte gschnallt wieso d Sabi augering gha hed...(jo das gits wenn me e saison lang cha boarde im schöne Grindlwald) Item...eusi Hoseknöpf sind öbe alli offe gsi, dr mit jo alles platz hed gha! Nach dr Frau Gresin ihrer jogging rundi hei mr dr tascherechner gschnappt und geld ghüfelet! Witr gohts mit cruisen richtig City, abr halt mir bruche no proviant. Mir verhungere doch wenn mir kei z ässe me bechöme, also hopp in Coop Pronto! Endlich fertig, si mr ins städtli gange und den ufs "Inseli" wo gleb sogar uf Deutschem Grund ligt (psst...d andi hed kei ID dr bi gha) Nach foti sessions und ussicht gniesse si mr nach basel ins kult.Kino go ONCE luege...super film gsi zum dä hammer, "fett" sunntig uszklinge lo! Mesdames c'était génial hier! No es letschts wort zum Schluss: eine KATASTROPHE und who the f*** is...