09.30 Gelterkinder bahnhof. Barbie dabei, kitchener beutel dabei… hab alles! Sehr gut alexi! Nic chunnt mir mitem velo entgegä. In voller Montur. Und wonni denn no dsara gseh, bini defintiv überzügt gsi, dassi mi zwarm agleit ha. Usem outfit vo dr nic hätti chönne schliesse, dass mr geu go wandere. Was mä von sara’s Outfit überhaupt nid het chönne behaupte. Also immerno kei schimmer wiä hüt dr tagesablauf wird usseh. Egal, hauptsach ahnehocke und öpis ässe. Dnic het alwe mini gedanke chönne läse, scho packt si vollkorngipfeli und o-saft us. Yammi. Gmüetlich fahri also mit dä erste vier chic’s nach olte wo dr zug zum stoh chunnt. Und jetzt? Usstiege? Nöö… sitzenbleiben!! In zofige denn dvereinigung. Diä restliche zwei hüener hei sich agschliche, und stosse zu eus. In luzern umstige. Bi dr haltstell verkehrshus hani denn innerlich scho biz ghofft dass mir NID dört usstige. Und dbemerkige vo dr andi hei mi echt is schwitze brocht… aber zum glück, alli sind sitzeblibe. Billetmaa chunnt. Vilicht findi jetzt öpis use… dä nimmt si job aber sehr genau und chunnt drum mit dr dominique is bläuderlä, wobi dfrau gass lislig meint, dass er si doch würd verarsche :) nönö, im billetmaa entgoht nüt. Halbtax abgelaufen. Aber domä het natürlich ihres neue abi au drbii gha. so, witer gohts richtig arth-goldau. Und woni dass bemekrt ha, hüpft mi härzli doch ei zwei mol höcher. Gohts ächt in
tierpark?? Het echt mis glägentliche schwärme im rubino gnützt?? Und tatsächlich stige mir in arth-goldau us. Wurzelmaa erinnerige chöme höch :) mir schliesse eusi siebe sache am bhf ih. Durch dnic wird mir mini vorahnig bestätigt. „hei nei, hüt hets sicher mega viel kinder im tierlipark.“ Juhuu. Wenn dir wüsstet, was dir mir mit däm füre freud machet. Nachdem mir geld tankt hei, laufe mir also zämme richtig tierpark. An dr kasse gits ä parkplan und wildfuetter. Jetzt chas losgoh. Als erschts rennt dr wäschbär drvo. Chiquitas chömme, und tier flüchte... das war ja klar! ufem weg richtig seeli, mit de gedanke scho bim picknick, stosse mr rufe baumweg. Was dr sara sehr zu guete kommt. Birke, eiche, ahorn, espe und wiä si alli heisse, vo jedem wird e blatt abgrisse und süberlich notiert wiäner heisst. Das unterfange isch aber sehr schnäll wieder in wind gschosse worde. Zviel ufwand am ne freie dag… nach däm mir dä riese barsche und de schwarzhals schwän eusi ufmerksamkeit gschänkt hei, hei mr beschlosse chli meh in dmitti vom park zgoh. I will nämli endlich d’rehli gseh!! Gesagt, getan! Chum simmer is abgsperrtä gheg cho, sind reh cho zspringe. Do beobachte mr lieber die idrückliche mufflons… snögste ziel isch, e geeignete picknickplatz zfinde. Garnid so eifach bi denä villne schissibölleli. Also usem gheg, damit mr ohni sorge an bode chönd höckle. Im panoramablick hei mr halt gmacht. Cherrytomätli, käs, gurke, ufschnitt, brot, chips und villes meh hets geh! E super zmittag. Mit vollem ranze, hei mr es mittagschlöfli abghalte, hei gfulenzt oder sind eusi füess im brunne go abküehle. natürlich immer im schatte noch, damit mir eus nid zlang in dr sunne ufhalte. Nach guet 1 ½ stund raffe mir eus uf, und geu witer… Nächste Haltestelle – Wolf- und bärestation.Do chame spielerisch meh über essverhalte vo denä tier lernä. Chiquitas voll dabei. Witer gohts dure park. Dnatur do isch eifach unglaublich idrücklich. Immerwieder erinnere grossi felsbrocke an bergsturz vo goldau. Per zuefall laufe mr am ne kiosk verbii. Perfekt, chlini pause füre kaffi. Domä und ich näme natürlich es rivella blau. Und mittlerwiile bruchts e neui schicht sunnecrem. Dpause wird grad für das gnützt. Paar meter witer entfernt, gsehn mr abgrisseni bäum. Dverwüeschtige wo dr orkan lothar hinterloh het. Aber eus interessiert eigentlich nur das geile baum-schauckelbett. mir si jo wohl diä grösschte chinder in däm park :) und wo mr eus nachem höleweg vo stei zu stei gschwunge hei - tarzan war n’scheiss dagegen - hei mr alli kids in schatte gstellt. Nach der aktion gohts langsam richtig usgang. No schnell alli fuetterreste dä letschtä rehli verdeile, händ wäsche, letschti föteli vom chillende wäschbär mache und denn raus hier! Schön war’s! mir laufe richtig bhf zrug, mache en halt im coop. Nic het diä sensationell idee, es küehls bierli sboschte. Genau srichtig bi dem heisse wetter. Herrlich! Am bahnhof acho, ziehnd mr diä légerä schueh ah oder wegslä grad komplett sganze outfit. Zrug in luzern teilt eus dr polizist mit, dass dr citybeach – euses nöchste ziel – garnonig eröffnet worde isch! also möche mr eus eifach mol uf, und sueche es plätzli am see verbunde mit ere pinkelpause. Biz grüeni wiese mit gmüetlichem sound. Do fühle mir eus wohl. Für unterhaltig sorgt domä und dsara. Gmeinsam zeige si eus ihri kunststückli, möche sflugi, oder zeige süst ihri akrobatischi site. Dr buch chnurrt und nid alli hei lust uf en schoggifarmer. Also hoppla, restaurant suchen. Schwirig bi schönem wetter zu sechst dus e plätzli zfinde. Und bi eusne kulinarische asprüch scho fascht ein ding er Unmöglichkeit öpis passends zfinde. Trotzdäm finde mir vis à vis vo dr kappelerbrugg (hier sei’s für die liebe sara nochmals schriftlich festgehalten!!) es italienischs restaurant mit lustiger bediänig. und es git sogar e Pouletsalat für dsabi. Alli sind also glücklich. Drzue e toscana wii und dferiästimmig isch perfekt. Nachem esse chunnt dr unagnehmi teil. Heissi diskussione werde gstartet, wiä dä super dag witer sell verlaufe. Nach mehrfachem ablehnä vo minere site fürs NT, heimer beschloss is NT zgo :) aber vorher no e abstecher in citybeach Basel. Mit däm hani mi chönne afründe. Zahle, Zug richtig BS schnappe & föteli vom vorhandene sunnebrand schiesse. Citybeach isch zbasel im 9. Stock. Das sind ungefähr 386 treppe. Egal mir si sportlich. Und nüm zbremse. Öhhm jä… nur vo der riese menschemasse, wo do vorem igang uf itritt blangt. Do nützte au eusi fortgschrittene vordrängligskünst vom fame nüt. Guet, alles wieder abe. Und drbii nid in kotzi vo diverse andere gäst stoh. Vor dr Art usstellig stoht e riese bänkli wo mir natürlich no wei bestige. nach es paar föteli, viel umegerütsche und umegegumpe gohts richtig NT. Torzt stromusfall finde mir im dunkle e plätzli zum höckle, cocktails zschlürfe und über gott und die welt zrede. Und wo sich uf dr open-air-tanzflächi langsam dlüt vermehrä (das chame ez würkli fallsch verstoh!! :) hehe) gits au für eus ke halte meh. S’schöne im nt isch, dass me sich cha beneh, wiä me will und trotzdäm nid uffallt. Nach es paar beschämende reims und tanzlektione vo dr frau niederhuser neigt sich dr tag langsam im ändi zue. An der stell möcht ich mich bi euch allne für dä unvergässlich überraschigstag bedanke. I has so gnosse, mit euch dä dag zverbringe. Es het wiedermol interessanti gspröch geh, mir hei vil chönne lache und mir isch einisch meh bewusst worde, wiä wichtig dir mir sit. Bevors melancholisch wird: dir sit und blibet eifach diä bestä. Danke vil vil mol für alles!
chiquitas - 19. Jun, 10:25
